Nagalab-ot na sa 31 ka mga establishemento sa rehiyon dose ang nag-apply para sa COVID-19 adjustment measure program ukon CAMP sang Department of Labor and Employment ukon DOLE 12 kay may-yara ang mga ini sang 937 ka mga empleyado.
Sa nasambit nga numero pipila dire ang temporaryo nga nagsarado nga indi naman kinahanglan sa subong nga sitwasyon.
May-angot sini, suno kay DOLE 12 OIC Assistant Regional Director Arlene Bisnon nga makabaton sang tig 5,000 pesos nga pinansyal nga bulig sa CAMP ang mga empleyado sa formal sector nga apektado sang flexible work arrangement para mapunggan ang paglapta sang COVID-19 nga ang mga employer ang mag-apply.
Ginsiguro naman ni Bisnon nga may programa man ang ahensya para sa mga yara sa informal sector nga apektado sang mitigating measures sa COVID-19 paagi sa TUPAD#Barangay Ko, Bahay Ko ukon TBKBK program sang ahensya nga ang makabenepisyo amo ang mga tricycle drivers, vendors kag iban pa nga luyag mag-avail sang program.
Sarang suno pa ang mga ini nga magpadulong sa pinakamalapit nga public employment service office ukon PESO ukon barangay ang luyag magpapply nga ang mga benenepisyaryo sang TBKBK ang magdisinfect sa ila nga mga barangay sa sulod sang napulo ka adlaw nga may P326.00 kada adlaw nga sweldo.
Paklaro man ni Bisnon nga indi pwede makabenepisyo sang TBKB ang mga nahatagan na sang bulig sang iban pa nga ahensya sang gobyerno.
Ginatugyan naman sa mga barangay ang profiling sang mga TBKBK beneficiaries tungod sila ang mas nakahibalo sa mga apektado nga pumuluyo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
