Gigahinan sa Provincial Government of Bukidnon ug trayntay uno porsyento (31%) o mokabat ngadto sa ₱1,287,292,903.00ang Health Services gikan sa total budgetnga ₱4,101,076,762.00 para sa tuig 2021.
Ang budget para sa Health Services gitagana sa mga Bukidnon Provincial Hospital nga nabahin sa mga musunod; 1) Bukidnon Provincial Medical Center (35.53%) ₱457,337,209.00, 2) BPH Maramag (26.94%)c₱346,853,728.00, 3)BPH Kibawe (15.42%) ₱198,541,448.00, 4)BPH Manolo Fortich (9.50%) ₱122,348,728.00, 5)BPH Kalilangan (3.75%) ₱48,325,705.00, 6)BPH San Fernando (3.33%) ₱42,820,593.00, 7) BPH Talakag (3.06%) ₱39,389,481.00 ug 8) BPH Malitbog (2.46%) ₱31,676,011.00.
Gibutyag ni Gov. Zubiri nga sulod sa 36 ka tuig sa iyang pagpangalagad sa katawhan sa Bukidnon, ang kasamtangang tuig 2020 ang pinakalisod alang kaniya.
Niagi na ang probinsya sa mga pagsulay apan ang krisis nga dala sa COVID-19 pandemic ang pinakagrabi. Resulta niini ang pagbutang sa atong nasod sa health emergency diin naapektuhan ang atong probinsya lakip na niini ang mga negosyo nga nagsira, libuan ka mga katawhan ang nawad-an sa trabaho ug napugos ang mga katawhan nga limitahan ang ilang mga gimbuhaton ug magpabilin sa ilang panimalay aron malikayan ang pagkuyanap sa COVID-19.
Apan luyo niining tanan, mapasigarbuhon gihapon matud pa si Gov. Zubiri nga kontrolado gihapon ang maong kaso sa virus gawas lamang sa mga hotspots nga gideklara sa duha ka syudad ug pipila ka mga munisipyo pinaagi sa pagpatuman sa hugot nga mga health protocols sa mga boundaries, maayong pagdumala sa mga Locally Stranded Individuals o LSI ug Returning Overseas Filipino Worker’s o ROF’s ug hugtanong pagpa-implementar sa isolation system. Mapasalamaton usab kini sa mga doktor, mga nurses, health ug medical workers, mga police ug kasundaluhan, quarantine control points personnel ug mga frontliners sa ilang mga sakripisyo ug kahago sa pagbatok sa COVID-19.
