DALING misumbong sa Police Station 5, Macabalan ang usa ka Ian Lloyd Luzano, 32 anyos nga taga Pacana Burgos st., ning siyudad human kini gitabangan og kulata sa duha ka lalake ug usa ka tomboy.
Matud sa biktima, gitawag kini sa usa ka alyas Mic-mic Lactao, 28 anyos, ulitawo ug dihang midool siya, kalit lamang kining nanumbag sa walay igong rason.
Misulay pagsukol ang biktima apan gitawag ni Lactao ang duha niini ka mga kauban nga silang alyas Gogoy Humapan, 26 anyos, ulitawo ug si Joyjoy Lactao, 26 anyos, tomboy ug parehong residente sa nasangpit nga dapit kinsa mitabang pagkulata kang Luzano.
Insidente nahitabo mga alas 10 sa gabie niadtong Sabado sa Pacana- Burgos Street ug ang kaso gi-refer na sa Barangay Lupon sa Puntod.
Facebook Comments
