Gihatod sa mga barangay tanod sa Police Station 5, Macabalan ang usa ka lalakeng nasapong nagsuyop og rugby nga gisulod sa plastic bottle sa Accreation area, Barangay Macabalan ning syudad.
Matud sa duha ka barangay tanod nga silang Antonio Yabut ug Elmer Sumicad, samtang mihimo sila paglibot-suroy sa area, nasapon nila ang usa ka Mark Anthony Domingo, 19 anyos, ulitawo nga taga block D, Accreation nga nagsuyop og rugby ug ilang nakuha gikan sa posisyon ni Domingo ang 8 inches nga gitas-on sa batangas nga klase sa kutsilyo.
Insidente nahitabo mga alas 3:30 sa buntag gahapong adlawa sa Accreation, Barangay Macabalan ning siyudad.
Daling giimbistigahan sa mga polis ang maong hitabo samtang giandam na ang kasong ipasaka batok kang Domingo.
Facebook Comments
