Mukabat sa kapin P4 mill pesos ang kantidad sa gituohang illegal nga drogang shabu samtang nadakpan ang 34 anyos nga suspek nga nagpayuhot niini atol sa drug buy-bust operation sa mga kapuisan pasado ala 1:35 sa hapon adtong Sabado didto sa Purok-2, Libertad, Quezon, Bukidnon.
Giila ang suspek nga si Reynante Rulida, 34 anyos, ulitaw, way trabaho, ug residente sa naasoy nga lugar.
Tulo ka mga pakete sa gituohang drogang shabu ang nakompiska sa mga otoridad lakip na ang P500 bill nga buy-bust money.
Gikustodiya na karon sa Quezon Municipal Police Station ang suspek alang sa tokmang disposasyon samtang giturn-over sa hingtungdang ahensiya alang sa dugang eksiminasyon.
Kasong paglapas sa RA 9165 kon Comprehensive Dangerous Drugs Act of 2002 ang atubangon sa dinakpang suspek.
Facebook Comments
