General Santos City–Malampusong nasikop sa mga personahe sa Police Station 4 ang usa ka 34 anyos, nga si Ronie Melendres, Alyas Neck, residente sa Employees Village, Barangay Fatima ning syudad sa ilahang gipahigayon nga buy-bust operation alas 4:40 ang takna sa hapon sa Purok Kaunlaran, Barangay San Isidro.
Sumala pa ni Police Major Alex Lanestosa ang hepe sa Police Station 4 nga napalitan sa kapulisan ang suspect ug usa ka sachet sa gikatahapang shabu ug nakuha sa iyahang possession ang lima ka lain pang sachet ug ang 500 pesos nga mark money.
Dugang pa ni Major Lanestosa nga ang nahisgutang suspect ang bag-ong na-identify nga nalambigit sa iligal nga droga pinaagi usab sa ilahang mga informant. Samtang migula usab ang pangalan niini nga maoy ginakuhaan ug supply sa iligal nga droga sa una nang dinakpan sa Police Station 4.(Dave Silagan)
