New Washington, Aklan – Magapangatubang it kasong pagbayolar sa R.A. 8479 ukon “An Act Deregulating the Downstream Oil Industry, and Other Purposes si Mars Traje Dela Cruz, 50-anyos it Brgy. Tambak, New Washington, Aklan matapos nga makumpiska sa checkpoint rong 35 ka containers it gasolina nga karga sa anang multicab kabii.
Base sa report it New Washington PNP nga pag-agi it multicab ni Dela Cruz sa checkpoint hay gin usisa rong karga ag nakita ro mga containers nga may sueod nga gasoline.
Nag-abot sa 700 litro ro nasambit nga gasolina kung sa siin ginabana-bana nga nagaabot sa kapin P32,130.00 ron balor.
Ro nasambit nga gasolina hay ginkustodiya anay it New Washington PNP.
Facebook Comments
