General Santos City— Nagpadayon ang ginahimong Oplan Tokhang sa tanang Police Station sa dakbayan subay sa bag-ong guidelines nga gipagawas sa Philippine National Police Higher Headquarters.
Sumala kang Police Chief Inspector Jovenson Bayona, tigpamaba sa Gensan City Police Office nga pinili gyud sa mga Chief Of Police ang mga personaheng maapil sa mga tokhangers.
Kung asa wala pa nahuman ang pagbisita sa mga anaa sa listahan nga gipakanaug sa Directorate For Intelligence. Dugang pamahayag ni PCI Bayona nga basi sa datus aduna nay 38 ka mga anaa sa listahan ang nagsurender human napahigayunan ug tokhang.
Ang mga nahisgutan ang mitahan sa ilahang kaugalingon sa matag Police Station. Samtang ang sa karon wala pa silay nadugang gumikan hangtud pa man alas 5 sa hapon pagpahigayon ug tokhang.
Pamahayag niini nga higayon nga mahuman na ug bisita ang tanang mga D.I listed ilaha kining subling bisitahon aron masiguroing wala na mibalik sa illegal nga aktibidad.
