ILOILO – ‘All systems go’ na para sa 3rd Infantry (Spearhead) Division sang Philippine Army sa diin masobra 5000 tropa ang gindeploy agud magsecure sa 2019 National and Local Elections sa Central kag Western Visayas.
Ang deployment sang tropa ginhiwat kadungan man sa Send-Off Ceremony of Force and Resources sa Headquarters, Police Regional Office 6 (PRO6) sa Camp Martin Delgado sa syudad sang Iloilo.
Ini ang gintambungan man nanday Atty. Tomas Valera, Assistant Regional Election Director, COMELEC 6; Police BGen Bartolome Tobias, DIPO-Visayas; Police BGen John Bulalacao, Regional Director, PRO-6; BGen Alberto Desoyo,commander sang 301st (Bayanihan) Brigade, kag BGen Ignacio Madriaga, Commander, 302nd Infantry (Achiever) Brigade.
Sa iya mensahe, ginpahayag ni MGen Dolina paagi kay BGen Desoyo nga katungdanan sang tropa nga ipasiguro ang paghiwat sang matinlo, patas, malinong kag matawhay nga election sa bilog nga rehiyon.
Photos Courtesy of: 3rd INFANTRY (SPEARHEAD) DIVISION, PHILIPPINE ARMY
