Na-engkwentro sa 8th Infantry Battalion, Philippine Army ang mukabat sa 40 ka mga miyembro sa New Peoples Army kon NPA ilawom sa SGD Dario SRC 2 NCMRC.
Sa interview sa RMN Malaybalay ngadto kang Lt. Kenneth Cabbigat gibutyag niini nga nahitabo ang engkwentro sa bukid nga bahin sa Barangay Busdi, ning siyudad sa Malaybalay.
Na-engkwentro matud pa nila ang mao nga grupo human nga nakadawat ug sumbong gikan sa concern citizen sa mao nga dapit nga adunay planong mang-recruit ang mao nga mga NPA sa Barangay Busdi.
Matud ni Lt. Cabbigat nga human ang engwkentro nakarekober ang kasundaluhan ug 4 ka mga tag-as nga mga armas nga iya sa mga NPA sa encounter site.
APil matud pa sa armas nga narekober sa kasundaluhan sa temporaryong hideout sa mga NPA ang 1 ka carbine, 1 ka garand, 1 ka M16 ug 1 ka AK47, lima ka mga magazine sa AK47 nga puno sa mga bala, bag back, subversive document .
Gidugang pa ninii nga muabot sa halos usa ka oras ang binayloay sa mga bala.
Wala usay natalang samaraN o kaha namatay sa maong engkwentro.
Samtang sa interview sa RMN Malaybalay ngadto kang Dereka Magtanggol ang spokesperson sa New People’s Army kon NPA Bukidnon nga luwas usab daw nga nakasibat sa maong nahitaboan.
Gipasigarbo usab niini ang mga nahitabong engkwentro sa San Rafael, Talakag ug Busdi, Malaybalay nga timaan matud pa sa ilang mapadayunon nga katakus sa NPA sa panagsangka.
