Patay ang apat ka mga miyembro sang Dawlah-Islamiya kag isa arestado sa implementasyon sang Simultaneous Law Enforcement Operation paagi sa pagserbi sang warrant of arrest sa Purok Maguindanao, Brgy. Lumalakil, Polomolok South Cotabato sang August 8, 2020.
Ginkilala ang mga napatay nga suspek nga sanday Ottoh Alangan, Muadz Modje, Noel C Castrana kag Amer M. Pagalasan kag ang arestado ang ginkilala naman kay Daryl Tigwalo Sambial ,23 – anyos.
Samtang nakapalagyo naman ang target sang warrant of arrest operations nga sanday Solaiman Paraluman, Rod Embang, Ramiden Mariano Bisaya, Ryan Mariano Bisaya kag Sadan Macabangin.
Nagbato suno pa ang mga suspek sa arresting team rason nga napilitan nga magbalos ang mga utoridad.
Nakuha naman sa lugar sang insidente ang mga nagkalain-lain nga kalibre sang armas luthang, mga bala, shabu kag iban pa.
Ang nasambit suno pa nga mga suspek ang miyembro sang Dawlah-Islamiyah (DI) sa idalom sang Sub-Leader Geoffrey Nilong kag Abu Omar/Moi-Moi nga may pending Murder case, Robbery with Violence against or Intimidation of persons, Robbery holdup, Carnapping kag Gun for hire activities sa banwa sang Polomolok.
Ang grupo suno pa ang ginatudlo nga yara man sa likod sang pagpamomba sa Sultan Kudarat kag Davao City.
Ginpatigayon ang operasyon paagi i sa gintingob nga pwersa san Polomolok MPS, 42nd & 43rd SAC, 4SAB; 5SFBN (Army), RMFB12; RID 12 SCPMFC kag suportado man sang AISS PAF; NISG-EM, PN; ISAFP; 17AIB, PA; MAPIO kag NICA.
photo by: PRO 12
