AnimalDisease Laboratory sang DA sa Gensan may dugang nga apparatus agud mapabakodang monitoring sang animal diseases.

18

May-yara na sang bag-o nga mga apparatus kag pasilidad ang Regional Animal Disease Diagnostic Laboratory sang Department of Agriculture sa General Santos City nga ginbisita mismo ni DA 12 Regional Executive Director Arlan Mangelen.


Suno kay Mangelen ang state-of-the art laboratory ang magahatag sang serbisyo nga importante para sa pagpaumwad sang livestock industry sa Soccksargen kag kaiping nga lugar.

May-yara suno pa ini sang kapasidad nga magpatigayon sang mas madasig kag mas tama nga diagnostics test sang mga nagapanguna nga balatian sa mga hinuptan nga sapat.

Samtang ang resulta sang test sa nasambit nga pasilidad suno kay Mangelen ang mangin basehan naman sa therapeutic, prophylactic kag mga tikang nga pwede himuon para mapunggan ang outbreak sang animal diseases.

May-angot sini, suno kay Mangelen importante ini sa monitoring kag pagtapna sa African Swine Fever.

Ang laboratoryo ang pwede nga magpatigayon sang real time lab test para matumod kag masolusyunan ilabi na ang problema sa ikaayong lawas sang mga hinuptan nga sapat.

Lakip dire ang enhancing prevention, detection, treatment kag eradication sang zoonotic diseases kag human transmission.




Facebook Comments