Davao City- Kanselado na ang Davao Coastline and Development Project sa Mega Harbour Port and Development Corporation dinhi sa dakbayan sa Dabaw o ang gikonsidera nga pinakadako nga proyekto aron i-improba ang 200-hectare coastline sa syudad.
Kini ang opisyal nga pamahayag ni Davao City mayor Sara Duterte-Carpio nga gipagula sa Davao City Information Office (CIO).
Human sa usa ka tuig nga pagtuon ug pag-review sa mga dokumento sa Davao Coastline and Development Project, apil ang pagtan-aw sa ligal nga implikasyon niini, nag desisyon ang lokal nga panggamhanan nga dili na mupadayon sa maong proyekto.
Gikumpirma sab kini sa chief of staff ni mayor Duterte nga si Attorney Raul Nadela, Jr. pinaagi sa phone interview sa DXDC RMN Davao.
Sumala ni Nadela, dili pa andam ang syudad sa maong klase nga proyekto.
Sa mga musunod nga adlaw, tubagon sa lokal nga gobyerno ang tanang mga pangutana kabahin sa pagkansela sa maong proyekto.
Kasamang Merle Comidoy
