Davao City – Patay ang usa ka minero samtang samdan ang iyang kauban human sila gi-ambush sa wala pa mailhing mga suspek sa Sitio Calatagan, Barangay Calapagan, Lupon, Davao Oriental, alas-2 sa hapon, Marso 11, 2026.
Sa inisyal nga imbestigasyon sa kapulisan sa Lupon Municipal Police Station, sakay sa motorsiklo ang duha ka biktima ug pauli na gikan sa ilang mining tunnel site dihang kalit silang gipusil sa duha ka suspek gamit ang kalibre .45 nga pistola.
Tungod sa insidente, namatay dayon ang usa sa mga biktima tungod sa daghang samad pinusilan, samtang ang iyang kauban nasamdan ug padayon nga nagpaalim sa balay tambalanan.
Gituohang gikuha sa mga suspek ang 6.5 ka kilo nga raw gold ash, 40 ka gramo nga refined gold, ug kapin ₱10,000 gikan sa mga biktima.
Sa karon, padayon ang imbestigasyon sa kapulisan aron mailhan ug madakpan ang mga responsable sa maong krimen.
RadyoMaN Kareen Beltran
Facebook Comments
