Davao City – Gikumpirma ni Dr. Yleona Ysabel Camelotes sa Davao City Animal Bite and Treatment Center atol sa gilusad nga press conference, Marso 12, 2026, nga anaa na sa duha ka indibidwal ang natalang namatay tungod sa rabies.
Dugang pa, ang duha nag-edad og 2 anyos ug 4 anyos gikan sa Barangay Salaysay, Marilog District, Davao City.
Sa talaan sa tuig 2024, anaa sa tulo ang na-rekord nga kaso gikan sa Ilang, Tugbok, ug Talomo North, ug midoble kini sa tuig 2025 diin miabot og unom ka kaso—duha gikan sa Bunawan ug tag-usa sa Talomo Proper, Tugbok, Calinan, ug Boulevard.
Gani, nasayran nga ang mga natalang patay tungod sa rabies wala nagpa-vaccine og anti-rabies. Busa kanunay matud pa nga ginapahinumdoman nga 100% makamatay ang rabies, apan 100% sab nga maluwas kon magpabakuna gilayon kung mapaakan o makambrasan sa iro ug iring.
RadyoMaN Kareen Beltran
Facebook Comments
