*45 **ka pamilya sa Block D, Accreation area, Brgy. Macabalan ning syudad ang nawad-an sa ilang mga pinuy-anan human gilamoy sa kalayo, kagahapon sa alas-2:27 sa hapon.*
*Nasayran nga mga alas tres sa hapon dihang gideklarar nga undercontrol na ang kalayo ug alas-3:22 dihang na-fireout.*
*Matud nilang SFO1 Dennis Dales ug SFO2 Ricky Butlay nga gibana-banang 300 tawsan pesos ang damyos sa sunog, nga nagsumikad sa balay ni Hilario Lejanio gumikan sa flying nga connection sa kuryente. *
*Samtang….*
*Gipahibalo usab ni Kapitan Norbel Saa, nga ipahimutang nila ang mga biktima sa Macabaln Elementary School isip ilang evacuation area samtang gipangitaan pa og kasulbaran ang ilang problema, alang sa subling pagpatukod sa ilang mga balay.*
*Gisaad usab sa maong opisyal nga hatagan sa barangay ang mga biktima sa ilang pasiunang panginahanglanon, ilabina ang pagkaon ug uban pang gikinahanglan.*
*Samtang, nanawagan usab kini sa syudad ug sa katawhan nga unta matabangan ang mga nasunogang pamilya, tungod kay halos walay nadala ang mga biktima human naugdaw ang ilang gipuy-an nga gigama lamang sa mga light materials. *
*By; Radyoman Aiza Enloran and Ellah Baculio *
