Mitambong atol sa gihimong committee meeting on Environmental Protection and Natural Resources sa Sangguniang Panlalawigan ang mga kadagkoan sa Barangay Lower Jasaan, Misamis Oriental, Coastguard, lakip na ang legal counsel sa usa ka foreign vessel, kinsa maoy hinungdan sa fish kill nga nahitabo niadtong Enero 11.
Basi sa report ni Ma’am Mary Joy Tac-an sa Provincial Fisheries Office nga mikabat sa 472 nga mga fingerling nga bangus ang namatay ug nagkantidad sa tres mil ka pesos nga gipanag-iyahan ni Olivia Ogerio nga taga Barangay Lower Jasaan, Misamis Oriental.
Samtang matud ni Commander Jonie Belarmino, ang Marine Environmental Protection sa Philippine Coast guard nga aduna kini nakita nga foamy white sa area.
Hinungdan nga nag conduct og water sampling ang BFAR ug gihinloan na usab ang lugar kung asa nahitabo ang spill.
Basi sa gihimong imbestigasyon nga kini nag gikan sa usa ka Japanese vessel nga Sampu Unyu kung asa niadtong higayona nagpahigayon sa deck wash o pag limpyo sa barko ang Sampu Unyu apan aksidente nga nag spill ang sabon hinungdan sa pagkamatay sa mga bangus.
Gumikan niini, nagbayad sa 300,000 pesos nga damyos ang kapitan sa barko samtang karong Enero 29, gitahasan ang BFAR, DENR ug Coastguard nga mag sumite sa ilang consolidated report.
Samtang, gitakda karong Pebrero 5, himuon ang committee meeting sa Environmental Protection and Natural Resources sa Sangguniang Panlalawigan.
