Gikatakda nang bayaran sa Department of Social Welfare and Development (DSWD) pinaagi sa Land Bank of the Philippines (LBP) ang mga benepisaryo sa Pantawid Pamilyang Pilipino Program (4Ps) nga ilalom sa over-the-counter nga pay-out karong bulana sa Abril.
Matud ni Oliver Inodeo, ang focal person sa 4P’s region 1- gibutyag niini nga gitakda ang pagbayad sugod karong Abril 17 hangtod 27 ning bulana.
Ang kalangan sa pagbayad mao ang pag-usa sa bayad sa mga benepisaryo sa 4Ps ug sa Unconditional Cash Transfer (UCT).
Ang UCT mao ang pamaagi sa nasudnong gobyerno nga mahatagan og ayuda ang dili benepisaryo sa 4Ps, apan pobre, aron dili makasinati og economic shocks nga epekto sa pagpatuman sa tax reform law nga Tax Reform for Acceleration and Inclusion (TRAIN).
Sama sa mga sakop sa 4Ps, ang benepisaryo sa UCT makadawat og tag P200 matag bulan, sugod sa Enero hangtod Disyembre ning tuiga. Sunod tuig, makadawat na ang 4Ps ug benepisaryo sa UCT og tag P300 matag bulan.
Samtang, ang mga naghupot ug cash card nga sakop sa 4Ps, nakadawat na sa ilang cash grants ug uban pang ayuda sama sa dugang tag P200 ang bulan ug rice subsidy nga tag P600 ang matag bulan.
Nasayran, nga matag duha ka bulan unta ang pagbayad sa LBP ngadto sa mga benepisaryo sa 4Ps. Adunay kapin sa 270,000 ka households ang narehistro ug aktibo sa 4Ps sa tibuok Northern Mindanao.
