Gikondena sa 4th Infantry Division, Philippine Army ang nahitabong pagpa-momba sa Our Lady of Mount Carmel Cathedral sa Jolo, Sulu kagahapon.
Sa interview sa RMN Malaybalay ngadto kang Lt. Tere Ingente Cansancio, ang Division Public Affairs Office Chief, gibutyag niini nga nakighiusa ang 4th ID sa katawhan sa pagkondena sa maong pagbusikad.
Gisiguro usab ni Cansancio nga naka-alerto ang puwersa sa kasundaluhan ilawom sa 4th ID sa rehiyon 10.
Gipasabot niya nga ang mando sa 4th ID human ang gipatuman martial law mao ang paglikay sa spill over sa terroristic activity gikan sa Western Mindanao paingon sa Eastern Mindanao.
Alayon ninii gipaabot usab ni Cansancio ang mga pahasubo sa mga pamilya sa biktima sa pagpamomba.
Samtang gipahayag usab ni Arthur Tariman, ang convenor sa Victims of Injustice Criminality and Terrorism in Mindanao ato sa interview sa RMN, nga usa ka terroristic act ang mao nga pagbusikad.
Awhag usab ninii sa publiko nga magma-ampingon ug magmaigmat kanunay ug dili magpadaug sa mga terorista.
