Miapila ang Armed Forces of the Philippines kon AFP sa mga kandidato sa 2019 midterm election nga dili muhatag kalabot sa himoong raket sa CPP-NPA aron makatigom ug pondo.
Kini subay sa subling paghimo sa mga New Peoples Army kon NPA sa ilang ‘Permit to Campaign ug Permit to Win’.
Sa interview sa RMN Malaybalay ngadto kang 1LT Tere Ingente, ang Public Affairs Office Chief ug spokesperson sa 4th Infantry Division, Philippine Army gibutyag niini nga ang PTW ug PTC usa ka matang sa extortion kon pagpangilkil nga gihimo sa walhong pondok.
Gi-ingon ni Ingente nga adunay fixed price ang mga rebelde depende sa daganan nga posisyon sa mga kandidato aron dili sila hilabtan hulip sa pipila ka pabor.
Gidugang ni Ingente nga ang kwarta makolekta sa mga NPA gamiton sa pagpalit sa supply sa mao nga grupo.
Tungod usab sa kalisod nga nasinatian ninii sa kabukiran ilabipa ug adunay mga supply ang narekober sa kasundaluhan, mas agresibo matud pa kini sa pagpangayo ug PTC ug PTW aron adunay supply nga gamiton sa pakig-asdang batok sa gobyerno.
