Nanawagan si 4th Infantry Division Commander Major General Ronald Villanueva sa mga miyembro sa media.
Kini aron tabangan sila sa ilang Internal Security Operation Campaign sulod sa area of Responsibility sa 4th Infantry Division, Philippine Army sa Northern Mindanao ug Caraga Region.
Gibutyag ni Villanueva, dako ang papel sa mga tigbalita sa pagpalanog sa mga programa sa 4th ID silbing ilang counter measure batok sa planong mga propaganda sa New Peoples Army o NPA.
Lakip sa gusto ni Villanueva nga ipalanog sa mga tigbalita ang ilang walay undang nga bayanihan sa mga sundalo ngadto sa mga kalungsoran sa Northern Mindanao ug Caraga Region silbing ilang support measure sa paghatud sa batakang serbisyo sa mga local government Units.
Gipasabot sa maong opisyal sa 4th ID nga tungod kay dismayado na ang mga rebilde kanunay na lamang kini maghimog mga bakak nga propaganda aron hilo-an ang pangisip sa katawhan sa kabukiran ug ilang ipato-o nga walay nahimo ang gobyerno.
-o0o-
