Davao City – Gradong 7-8 ang gihatag sa Davao City Disaster Risk Reduction Management Office (CDRRMO) atol sa gipahigayong ika-upat nga hugna sa City-wide Shakeout Drill dinhi sa syudad sa Davao niadtong Hulyo 26, 2019.
Sumala ni CDRRMO chief Ret. Col. Alfredo Baluran nga bisan nakita niini ang partisipasyon sa matag opisina sa gobyerno ingon man sa matag indibidwal, duna gihapon kini nakita nga kinahanglan pang i-improbar.
“Di nato mahatag ang 10 kay we need to give our self a chance for improvement,” segun niini.
Sa assessment ni Baluran, nakita niini ang problema sa komunikasyon ug mobility kinsa dakong hagit panahon sa mga katalagman.
Gikanayon ni Baluran nga wala niundang ug padayong naga upgrade ang opisina sa CDRRMO alang sa mga resources niini nga gamiton sa pagpanerbisyo sa katawhan.
Samtang saysay ni Baluran nga gikinahanglan pa og dugang drills ang komunidad ilabi na ang mga coastal areas panahon nga muhapak ang tsunami sa dakbayan.
RadyoMaN Jason Amisola
