TALISAY CITY, NEGROS OCCIDENTAL – Dakup ang duha ka mga suspek nga subject sa search warrant lakip na ang duha ka iban pa sa operasyon nga ginpatigayon sang joint forces sang Philippine Drug Enforcement Agency, PDEA 6 kag PDEA Negros may mga las 9 sini gid lamang nga aga sa isa ka exclusive subdivision sa Talisay City.
Subject sa search warrant ang mga suspek nga sanday Rhodora Jamantoc, 57 anyos kag ang iya adopted son nga si Markline Cuadra, 25 anyos, naga-istar sa separado nga balay sa amo nga subdivision.
Dakup man sa operasyon ang tatlo ka iban pa nga nakilala nga sandasy Robert Discutido, 23, residente sang Filipina Baybay, Talisay City, Ellan Vhone Escover, 19 anyos sang Brgy. Singcang Airport kag Eul Vincent Suanico, 33 anyos, tumandok sang banwa sang Pontevedra.
Suno sa PDEA nga sanday Rhodora kag Mark ang sadto taga Purok Kagaykay, Brgy. 2 kag nagsaylo sa amo subdivision kon diin madugay na sila nga gina surveillance.
Nakuha sa possession sang mga subject ang kapin 800 ka gramos sang suspected shabu nga ginabulubanta may street value nga kapin 5.4 million pesos.
Ang search warrant gin-issue ni Hon. Judge Estefanio Libotan sang RTC Branch 50.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
