KALIBO, AKLAN — Lima ka mga maestra rong nahabiktima it manogloko sa sangka elementary school iya sa probinsya it Aklan kahapon.
Suno sa panaysayon ni Ma’am Riezel, sambilog sa mga maestra nga kahapon it mga ala una rong hapon may nag abot sa andang eskwelahan ag nagpakilaea nga si certain “Marilou” ag coordinator sa sangka American school sa Manila. Kamayad sa oral communication ag fluent sa English.
Sa pakipag istorya it suspek sa mga maestra sanda ra hay naga usoy it eskwelahan nga maging recipient it andang na donar nga mga slightly used computers, science equipment ag maabo pang iba.
Ginpabay-an imaw ko mga masetra nga mag eksplekar kon ano gid ro anang tuyo nga inabot it ap-at nga oras.
Uwa raya it daeang kon ano rason nga ro ibang maestra hay uwa eagi magduda.
Ko ulihi naghambae raya nga kon sin-o pa gid ro naila nga makabati it mayad nga balita ag naging excited pa gid ro mga maestra. Uwa nanda masayuri nga may kaibahan gali raya sa guwa, ana nga ginpabuoe ra bag sa ana nga kibahan ag may ginpaguwa nga sangka tea.
Raya nga tea hay ginpangabay man lang kuno kana it anang friend nga ipabaligya ag uman eoman imaw nga nag demo.
Kon sin-o suno kana ro naila magbakae hay dato ro ilista sa papel para pa gid sa manami nga balita.
Nagbinalibad ro ibang maestra ay uwa sanda it kwarta, pero ro sambilog sa andang mga kaibahan hay bag-ong withdraw it sweldo hay nakumbensi.
Bangud naila man ro iba, anang ginsakop ro lima it pag bayad sa tig P1,300 kada sambilog.
Matapos nga magbinaeayran, naghambae ro suspek nga ro rato kuno nga mga nagbayad hay makabaton it laptop nga tig sambilog kaibahan ro andang gina donar nga mga computers ag uwa eon dayon maka balik ro babaye.
Indi man eon raya makontak sa anang number nga gintao.
Nagtao eon lang it pagpaandam si Ma’am Riezel sa mga isigka teacher nana para nga indi eon sanda man maloko.
