50 ka barangay kapitan sa Cagayan de Oro ang mouban sa caravan ugmang adlawa aron suportahan ang pagpatuman sa revolutionary government.
Kini ang gibutyag ni Barangay 13 Chairman Boy Paasa sa interview sa dxCC-RMN.
Matud ni Paasa sugdan ang caravan sa ala una sa hapon sa Rotunda ning syudad paingon sa Barangay Agusan ug magtapok sa covered court sa pagpanguna ni Agusan Barangay Chairman Andrew Meliza.
Samtang gibutyag usab ni Network Revolution Focal Person Dadat Balaba nga human sa caravan himoon ang ilang rally sa capitol grounds nga magsugod sa alas tres sa hapon.
Gipasabot ni Balaba nga ang ilang rally ugmang adlawa usa ka people’s initiative.
Tumong sa rally nga ipanawagan kang Presidente Duterte nga ipatuman ang revolutionary government aron usab mapadali ang pagpatuman sa Federal system of government.
Gidugang ni Balaba nga gibana-banang moabot sa duha ka libo ang mosalmot sa kalihukan.
By: RadyoMaN Annaliza Amontos-Reyes and RadyoMaN Mishelle Enloran
