54 na ka medalya ang nakuha sa Team Cagayan de Oro City sa ika-tulong adlaw sa nagpadayong 2019 Batang Pinoy Mindanao Leg nga gihimo sa Tagum City, Davao Del Norte.
Base sa taho ni City Sports Commissioner Jaymar Rivera, 15 ka gold, 10 ka silver, ug 29 ka bronze medals ang nasakmit sa Team CdeO sa ikatulonag adlaw sa maong kompetisyon.
Pinakadaghang medalya nga naambag ang Taekwondo Team nga nakakuha og walo ka Gold, tulo ka Silver, 11 ka Bronze medals.
Kini gisundan sa karatedo team nga dunay tulo ka Gold, duha ka Silver, lima ka Bronze medals ug ang Arnis team nakakuha sa duha ka Gold, tulo ka Silver, napulo ka Bronze medals.
Samtang ang chess ug table tennis team nakakuha sa tag usa ka gold ug ang swimming team, dunay duha ka silver ug 3 ka bronze medals.
