KABANKALAN CITY, NEGROS OCCIDENTAL – Padayon pa karon nga ginapangita ang isa ka Grade 1 pupil matapos ini ang ginapatihan nalumos sa gintabok nga sapa kahapon sang hapon sa Brgy. Bantayan, ciudad sang Kabankalan.
Nakilala ang bata nga amo si Macky Maclary Surrecho Sanchez, 6 ka tuig ang edad, isa ka Grade 1 pupil sang Bantayan Elementary School.
Suno sa pagpangusisa, may mga las 5 kahapon sang hapon, ang biktima ang magapauli na sa ila balay kag nag-agi sa isa ka sapa.
Apang, disgrasya ini siya nga nakatipaslong sa madalom nga bahin sang sapa sa diin tubtub subong wala pa ini siya makit-an.
Padayon ang search and rescue operation nga ginapatigayon sang City Disaster Risk Reduction Management Unit sang Kabankalan City agud makita ang biktima./dyHB BACOLOD
