South Cotabato—Mukabat sa unom ka mga balay ang apektado sa buhawi nga miigo sa Purok Magsaysay, Barangay San Jose, Norallah, alas 3:00 pasado ang takna kaganina.
Sumala sa report sa PDRRMC, South Cotabato, hinay nga pagbundak sa ulan lang ang nasinatian sa Barangay San Jose apan kusog kaayo ang hangin nga maoy niguba sa unom ka mga panimalay.
Gilayon man nga nakarespondi ang mga personahe sa Municipal Disaster Risk Reduction and Management Council sa lugar ug gitabangan dayon ang mga apektado.
Walay natalang samdan sa maong insidenti ug wala usay mihikling nga pamilya nga naapektuhan sa maong buhawi. Nasayran nga partially damage lang ang naangkon sa unom ka mga panimalay nga giigo sa maong kalamidad.
Sa karon ginasuta pa sa MDRRMO sa lungsod ang kinatibuk-ang danyos sa maong kalamidad.
