BACOLOD CITY – Gintumod na sang komitiba ni Councilor Em ang anum tanan ka mga lugar diri sa ciudad sang Bacolod nga ginakabig “rugby boy hotspots.”
Lakip sa mga lugar nga ginatambayan sang mga naga-suyop sang rugby amo ang Public Plaza, Capitol Lagoon, Plazamart, Central Market, sa atubang sang isa ka food chain sa LaSalle kag sa isa pa gid sini nga branch sa dalan lacson diri sa ciudad sang Bacolod.
Sa ginpatawag ni Ang nga committee hearing, naghatag naman sang rekomendasyon ang DSSD, WCPD, Liga ng mga Barangay kag Permits and Licensing Division angot sa problema sang mga rubgy boys sa diin indi naman maayo para sa imahe sang syudad sang Bacolod nga ginkilala bilang Most Livable City kag Child Friendly City.
Paathag sang konsehal nga butangan sang pulis ang mga lugar nga na-identify nga rugby boys hotspots.
Sa pihak nga bahin yara na karon sa second reading ang proposed ordinance ni Counilor Ang angot sa pag-prohibit ukon pagdumili sa mga establishtment particular sang mga hardware sa pagbaligya sang rugby kag iban pa nga volatile substance sa mga menor de edad.
