BINALBAGAN- Anum ka mga mangingisda dakop sa kampanya kontra illegal fishing sang mga katapo sang 603rd Maritime Police Station.
Natigayon nga nagkaladakpan ang 6 ka mga iligal nga nagapangisda sa baybayon sang Binalbagan kahapon, Marso 20.
Ang anum nga nagkaladakpan sa separado nga operation ang ginkilala nga sanday Sesa Denneba, Jeremy Tiu, Danny Arroyo, Rommel Gallano, Jimmy Nuñala kag Rodel Curatibo.
Sa karon ang ila tagsa tagsa ka mga sakayan kag iban pa nga recoveries nga ginagamit sa pagpangisda ang yara na sa kustodiya sang Binalbagan Municipal Agriculturist Office (MAO) kag natalana nga pasakaan sang kaso.
Facebook Comments
