Gimando ni Cagayan de Oro City Archdioceses Bishop Jose Cabantan nga pasirad-an ang unom ka mga simbahan sa Cagayan de Oro ug Misamis Oriental. Kini tungod sa epekto sa Corona virus disease 2019 kon Covid-19.
Sa iyang sulat nga gipadala ni Mayor Oscar Moreno, gipahibalo ni Cabantan ang Mayor nga sirado sugod kagahapon April 28, ang mga simbahan sa Nazareno Parish sa Claro M. Recto National Highway ning syudad, San Isidro Parish Church sa Gusa, Our Lady of Candelaria sa Tagoloan, Immaculada Conception sa Jasaan, Our Lady of Mt. Carmel sa Bobontogan, ug Santa Cruz Parish church sa lungsod sa Laguindigan Misamis Oriental.
Matud ni Cabantan nga sirado ang maong mga simbahan hangtud sa Mayo 7 ning tuiga tungod sa ilang disinfection activity sulod sa napulo ka adlaw. Mao kini ang ilang silbing tipik sa nga tabang sa gobyerno sa kampanya batok sa Covid 19.
