Jaro, Iloilo City- Nagahilibi-on si Mary Joy Paredes matapos naatrasan sang jeep ang iya 6 ka tuig nga bata kag ginbawi-an gid sang kabuhi.
Natabo ang insidente sa kilid sang Bureau of Jail Management and Penology ukon BJMP sa Ungka ,Jaro kon sa diin nagahampang sang chinese garter ang biktima.
Sa pagpangusisa sang kapulisan, naatrasan sang Ungka CPU nga jeep nga ginamanehar ni Alvin Tindugan ang biktima kag nalapakan gid sa dughan.
Suno pa sa iloy sang biktima, hatagan na kon tani sang certificate ang iya anak sa masunod nga semana bangud manug grade 1 na ini.
Nakahunong na ang suspek sa Jaro PNP kag natalana nga pasakaan sang kaso.
Indi naman mabaton sang iloy ang natabo sa iya anak.
(photo from web)
Facebook Comments
