Anim na indibidwal na kabilang sa Most Wanted Persons (MWPs) ang naaresto ng Police Regional Office 1 (PRO 1) sa isinagawang tatlong araw na Simultaneous Anti-Criminality and Law Enforcement Operations (SACLEO) sa Ilocos Region.
Mula August 17 hanggang 19, kabuuang 42 wanted persons ang nadakip sa magkakahiwalay na operasyon sa Ilocos Norte, Ilocos Sur, La Union at Pangasinan.
Sa anim na MWP na naaresto, dalawa ang kabilang sa provincial level, isa sa city level, at tatlo sa municipal level.
Samantala, 36 na iba pang indibidwal na may mga nakabinbing warrant of arrest ang naaresto rin sa naturang operasyon.
Patuloy namang palalakasin ng PRO 1 ang mga operasyon laban sa mga wanted person upang maiharap ang mga ito sa hukuman at mapanatili ang seguridad sa mga komunidad sa Ilocos Region. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
