6 thousand job vacancies sarang aplayan sang mga jobseekers sa Labor Day jobfair sang Dole 12.

Yara sa 6 thousand job vacancies, overseas kag lokal ang sarang nga aplayan sang mga jobseekers nga itanyag sang 80 ka mga employers sa rehiyon sa ipatigayon nga 2018 Trabaho Negosyo at Kabuhayan Job and Business Fairs sang Department of Labor and Employment (DOLE 12) sa selebrasyon sang Labor Day sa Mayo 1 sa SM General Santos City.
Lakip sa trabaho nga sarang aplayan sang mga jobseekers sa lokal ang service crew, sa Pnp, Afp, Production Worker, Household Attendant, bagger, Stockman, Operations Coordinator, staff nurse, samtang sa overseas domestic helper, production workers kag iban pa.
Apang kon siya lang suno kay Dole 12 Regional Director Sisinio Cano mas makapaayo kon lokal lang nga trabaho ang itanyag nila tungod sa problema nga ginaatubang sa subong sang mga OFW`s ugaling may-yara sang kasugtanan ang Pilipinas sa iban nga pungsod nga magpadala sang trabahante.
Gin-isplikar naman ni Director Cano nga gintawag nga Trabaho Negosyo at Kabuhayan Job and Business Fairs ang selebrasyon tungod mas ginpalapad nila ang oportunidad nga mahatag sa mga jobseekers nga indi lang magsalig sa pagpangita sang trabaho kundi pwede man nga magnegosyo paagi sa bulig sang mga partner agencies kapareho sang DTI, Tesda kag iban pa.
Samtang lakip sa naplastar ukon nahan-ay nga aktibidad sang Dole 12 sa Mayo 1 ang pagrelease sang livelihood assistance sa mga beneficiaries, livelihood and business fair sang DTI, Dole Clinic,One Stop-Shop for pre-employment documentation services kag Regional Tripartite Industrial Peace Council motorcade dire sa syudad sang Koronadal.