60 anyos nga lalaki gitigbas sa Hubog.

85

Sergio Osmeña-Lauman nga karong adlawa mapasaka na ang kaso batok sa usa ka person of interest nga mitigbas sa biktima didto sa may Barangay Marapong, Sergio Osmeña, ZDN sa mianging adlawng Sabado Enero 5, 2019 sa may 7:00PM.

Ang biktima mao si Minrod Inting Tano, 60 anyos ug usa ka panday kinsa gitigbas kini ni Ramil Padilla Lapinig Sr. alyas Tata, 36 anyos residente sa maong nga lugar.

Sa nahipos nga impormasyon sa kapulisan sa Sergio Osmeña matod pa ang biktima aduna kini kaistorya niadtong higayona uban ang iyang silingan didto mismo sa gawas sa pinuy-anan ni Perlinda Balacy ug sa dihang kalit lang mibutho kini si alyas Tata nga gituohang lango sa ilimnong makahubog ug wala damhang tigbason niya ang biktima.

Maayong pagkaigo sa ulo ug pagkalaplap sa nawong sa biktima human kini gitigbas sa mahait nga sundang dali nga gidala sa balay tambalan ang biktima samtang ang person of interest mitahan ra usab kini sa iyang kaugalingon ngadto sa barangay kapitan ug gilayon gihatod kini sa buhatan sa kapulisan sa maong lungsod.

Personal nga bangi ang gitan-aw nga hinungdan sa kapulisan sa nahitabong pagpanigbas.

Facebook Comments

From Advertisers