Davao City – Arestado ang usa ka last two coordinator nga si Erwin Linsag, 32 anyos, residente sa may Asico Brgy. Matina Pangi ning siyudad lakip ang tulo ka mga usher niini nga sila Julito Tumandan, 53 anyos, Teresita Tesoro, 61 anyos, ug Joel Banaag, 26 anyos, kinsa pulos residente sa may San Isidro Labrador Shrine Hills Matina ning siyudad.
Narekober sa kapulisan ang bet money kantidad dul-an P6-mil ug ang nagkadaiyang illegal gambling paraphernalia.
Base sa report bandang alas-10:00 pasado sa Enero 7 sa buntag gilusad sa Talomo Police ang illegal gambling operation sa nahisgutan nga lugar ug naaktuhan ang coordinator sa last two nga gadawatan kini og mga resibo coteho gikan sa iyang mga usher ug dayun dayun kining na aresto sa mga kapolisan.
Napasadid-an na ang mga dinakpan sa salaod nga nahimo samtang ang kaso gipadala na una sa Investigation Section sa Talomo PNP.
RadyoMaN Paul Canono
