60 ka empleyado sang BACIWA nga wala na ginpasulod, ginkwestyon ang basehan sang Board sa pagdeklarar nga redundant na ang ila posisyon

28

Ginakwestyon sang presidente sang employees union sang Bacolod City Water District (BACIWA) ang nangin basehan sang board of directors nga i-deklarar nga redundancy ang posisyon sang 60 ka mga empleyado nga wala nagpa-absorb sa Prime Water.

Kaina sang aga, wala na ginpasulod ang 60 ka mga empleyado nga nakabaton sang order nga ginpaguwa ni BACIWA acting general manager Michael Soliva sang Disyembre 29, 2020. Sa interview sang DYHB kay Lenny Espina, president sang union sang mga empleyado sang BACIWA, ginkwestyon sini ang desisyon sang board of directors nga ideklarar nga redundancy ang ila posisyon nga ginbase lang sa opinion sang Office of the Government Corporate Counsel (OGCC). Suno kay Espina, ang Civil Service Commission lang dapat ang may gahom nga magdeklarar sini.


Bangud nga wala sila nakasulod sa trabaho kaina sang aga, ginakahangaw-an ni Espina nga masablagan ang operasyon sang water district bangud may mga obligasyon pa man sila nga 60 ka mga empleyado.Samtang, ginatun-an naman sang legal team sang employees union ang pagpasaka sang kaso batok sa water district.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments