Posible pasakaan sang kaso nga indiscriminate firing ang pulis nga nagpalupok sang iya service firearm sang bisperas sang bag-ong tuig sa ciudad sang Talisay. Ang pulis ginkilala kay Police Executive Master Sergeant Renzy Lambayong, 50 anyos may asawa kag pumuluyo sang Pueblo San Antonio Subdivision Phase 1, Brgy. Zone 12-A Syudad sang Talisay. Ang tagreklamo amo si Arlyn Torres 50 anyos lalaki may asawa sang pareho nga lugar.
Nagbaisay ang tagreklamo kag ang suspetsado nga pulis tungod indi ini makalabay kay ginbalabag sang pulis ang iya salakyan sa tunga sang kalye. Pagkatapos sang amo nga pagdunggalisay sang mag-kaingud nag-de-tour na lang sa pihak nga kalye ang tagreklamo para likaw sa gamo. Apang sang pagtalikud sang tagreklamo, nagsulod man sa iya balay ang pulis kag nagpalupok sang iya service firearm.
Suno sa case investigator sang Talisay City Police Station Police Corporal Aljon Bautista nga ara na karun sa ila possession ang isa ka bala nga narecover malapit sa balay sang tagreklamo. Ipa-usisa pa sa PNP crime laboratory sang NOCPPO agud madeterminar kun ano nga klase sang armas ang gingamit ni Lambayong sa iya pagpalopok. Dugang pa ni Bautista nga sa ila pag-imbestigar nadiskubrehan nga away sa saging nga yara sa ila dulunan ang nangin ugat sang indi pag-intsindihanay sang pulis kag sang iya kaingod.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
