Gikalipay sa 60 ka taga Barangay Dansolihon ang pagdawat sa Certificate of Land Stewardship Award gikan sa administrasyon ni Cagayan de Oro City Mayor Oscar Moreno.
Ang Certificate of land stewardship distribution, gipasiugda sa City Local Environment and Natural Resources Office O CLENRO nga gipangulohan sa ilang Chief nga si Engineer Armen Cuenca.
Matud ni Cuenca nga ang maong certificate of land stewardship mahimong i-renew kini sa mga mag-uuma sa Barangay Dansolihon human sa 25 ka tuig sa ilang paghupot sa maong sertipiko.
Matud ni Cuenca nga kini maoy usa sa mga batakang serbisyo sa administrasyon ni Mayor Moreno nga dugay rang gihulat sa mga mag-uuma sa Barangay Dansolihon.
-o0o-
