General Santos City— Ginahimo lang sa kapulisan ang ilahang trabaho human nga gihatag kanila kaniadto ang operasyon batok illegal nga druga. Sumala kang Jail Superintendent Peter Bangngot Jr., jail warden sa Lanton Reformatory Center nga tungod sa 60 porseynto sa mga piniriso sa maong pasilidad ang may kaso sa illegal nga druga, pasabot nga walay extra judicial killings kon EJK.
Pamatuod lang matud pa ginahimo gyud sa kasamtangang admisnitrasyon ang tanan aron nga mahinluan ang nasud batok druga. Dugang pamahayag ni Jail Supt. Bangngot nga sa karon, anaa sa kapin usa ka libo ang ihap sa mga pinirisong adunay kaso sa illegal nga druga ug padayon ang ilahang ihap nga kini madugangan pa.
Kini gumikan bisan ug PDEA nalang ang nagpahigayon ug operasyon batok illegal nga druga, ubay-ubay gihapon ang mga nadakpan. Gani gipanghinaut niini nga sa dili madugay, ibalik gihapon ni Presidente Rodrigo Duterte ang drug war ngadto na sa kapulisan.
