General Santos City- Nanumpa kagahapong adlawa human sa gipahigayon nga Open Burning Awareness Fun Run sa Gensan Covered court, ang mokabat sa 600 ka mga Enformers nga naka-deputized gikan sa managlahing Barangay sa dakbayan sa Gensan.
Sumala ni Mr Ferdinand Pareja ang labaw sa Waste Management sa Gensan nga mahinungdanon ang papel sa mga enforcers sa matag Barangay.
Tumong niini nga mamonitor kung kinsa ang wala gatuman sa balaud hilabi na ang pagpakusog sa kampanya batok niining pagsunog ug mga basura.
Samtang nag-unang bisita sa gipahigayon nga Awareness FunRun mao si Environment Management Bureau Region XII Regional Director Ma. Socorro C. Lanto nga mihatag usab sa iyahang mensahe alang sa tanang partisipante nga misalmot sa Stop Open Burning Awareness Fun Run kagahapong adlawa sa dakbayan.
Sumala niini nga mahinungdanon ang saktong disiplina sa paghipos sa mga basura aron padayong ma-proteksyunan ang kinaiyahan ug labaw sa tanan kini ma-preserba sa sunod pang mga henerasyon.
