Dead on arrival ang 61anyos nga tigulang makaligad nga tiruhon sang pipila ka beses sa ulo sang motorcycle rider criminal alas 10:00 sang nagligad nga aga sa Provincial Road sa Barangay Bololmala, Tupi, South Cotabato.
Ginkilala ang biktima kay Lemuel Buenavidez Bellaza, 61anyos, may asawa residente sang Purok 5, Barangay crossing Rubber sa nasambit nga Banwa.
Suno sa imbestigasyon sang Tupi PNPginabaybay suno sang biktima ang dalan sakay sa iya Kawasaki Bajaj nga motorsiklo, nagaduag sang itom may plaka MC 026250, apang pag abot sa lugar nga gintabuan hinali na lng suno pa ini nga ginluthang sang wala nakilal-an nga suspek makatatlo ka beses sa iya ulo
Samtang madasig naman nga nagpalagyo ang suspek sakay sa wala matumod nga motorsiklo sa wala nahibaluan nga padulungan, bitbit ang sling bag sang biktima nga may unod sang wala natumod nga kantidad sang kwarta.
Gintinguhaan pa nga gindala ang biktima sa Ospital sa nasambit nga Banwa, apang ginbawian na ini sang kabuhi suno sa doctor nga nag-atipan.
Narekober naman sa gintabuan sang krimen ang motorsiklo sang biktima kag basiyo sang ginaaligar calibre 45 nga ipaidalom naman sa ballistic examination sang South Cotabato Provincial Crime lab sa syudad sang Koronadal.
Tubtub sa subong padayon pa ang ginahimo nga imbestigasyon sang Tupi PNP para makilala kag madakpan ang suspek.
Ginapatihan naman nga pagpangawat ang motibo sa insidente matapos nga ginkuha sang suspek ang sling bag sang biktima.
Kaangot sini ginpahayag ni Police Senior Supt Nestor Slacedo, Provincial Director sang South Cotabato Police Provincial Office nga may suspek na sila sa nasambit nga insidente, basi sa mga laragway nga ginpangita sa mga testigo.
Dugang pa nya, nagpapanaog na sya sang kamanduan sa mga Hepe sang tagsa ka police station nga pabakudon pa ang police visibility patrol sa kadalanan agud nga malikawan nga matabo ang kasubong nga insidente.
