Jamindan, Capiz – May yara na sang bag-o nga battalion commander ang 61st Infantry “Hunter” Battalion nga nakabase sa Camp Monteclaro sa Barangay Igtuba, Miagao, Iloilo.
Nangin matalunsay kag madinalag-on ang ginpatigayon nga Change of Command Ceremony sang nakaligad nga Hunyo 15, 2021 sa tunga nanday Lieutenant Colonel Harold Garcia bilang bag-o nga commanding officer kag outgoing battalion commander Colonel Joel Benedict Batara.
Yara mismo ang presensya sa ginpatigayon nga traditional change of command ceremony ang Commander sang 3rd Infantry (Spearhead) Division nga si Major General Eric C. Vinoya.
Nahibaluan nga antes ang pag-uyat sa amo nga posisyon, si LTC Garcia ang nangin Executive Officer sang 303rd Infantry Brigade nga nakabase sa Tanjay City, Negros Oriental.
Samtang sa iya mensahe, ginrekognisar ni MGen Vinoya ang mga accomplishments ni Col. Batara samtang ginapamunoan ang 61IB partikular na ang kampanya sa pagpakig-away sa mga rebelde nga katapo sang Southern Front sang Komiteng Rehiyon Panay.
Bangud sini, ginpasidunggan si Batara sang Military Merit Medal bilang Battalion Commander.
(c) – Philippine Army Spearhead Troopers
