Kalibo, Aklan — Naga paea-ea makaron sa Aklan Provincial Hospital rong sangka 65-anyos nga lolo matapos nga maeokpan it whistle bomb sa Brgy. Jawili, Tangalan, Aklan.
Nakilaea rong biktima kay Roberto Villanueva, residente it nasambit nga lugar ag nakaangkon it lastro sa anang waea nga alima.
Suno sa report it Tangalan PNP nga kaina it 12: 56 rong aga-aga nag sindi it whistle bomb rong biktima pero uwa pa nana raya ikahaboy hay eompok eagi rason nga nakaangkon raya it lastro.
Insigida man nga gindaea sa hospital rong biktima para mataw-an it naga kaigo nga pagbueong.
Samtang may una pa gid nga naeokpan it firecrackers sa ibang lugar iya sa probinsya it Aklan.
Ro mga biktima hay sanday Rolly Cabilin, 48-anyos it Castillo, Makato, Jhon Paul Victoriano ag Albert Fuentes it Poblacion, Makato, Mel Rome it New Washington ag sangka 15-anyos nga taga banwa it Numancia.
65-anyos nga lolo haeokpan it whistle bomb ag may lima pang iba
Facebook Comments
