Ginpangunahan ni Major General Juvymax R. Uy, Commander sang 6th Infantry ‘Kampilan’ Division kag Joint Task Force Central ang vaccination program sa tropa sang South kag South-Central Mindanao.
Sa ginpatigayon nga ceremonial vaccination sa Camp Siongco Station Hospital (CSSH), Awang, DOS, Maguindanao ginbakunahan sang first dose sang Covid-19 vaccine (CoronaVac) sang Sinovac sa Maj. Gen. Uy.
Pahayag pa ni Maj. Gen. Uy nga ang iya nga pagpabakuna ang pagpakita sa tanan ilabi na sa mga suldado nga indi mahadlok sa vaccine tungod pamaagi ini agud nga protektahan ang kaugalingon batok COVID 19.
Lakip ang 6ID, PA sa listahan sang mga frontliners nga makabaton sang COVID-19 vaccine kag ini ang bilang pagsunod sa pahayag sang IATF nga isa sa una nga mabakunahan ang mga suldado agud nga mapadayon ang paghatag sang serbisyo.
Panawagan naman sini sa katawhan nga importnte nga magbinuligay sa panawagan sang gobyerno agud mapunggan ang paglapta sang makamamatay nga balatian kag mabalik sa normal ang sitwasyon.
