6K bakanteng trabaho gihanyag sa Kalayaan job fair

Davao City – Giawhag sa Davao City Public Employment and Services Office (PESO) ang publiko nga pahimuslan ang himuong “Kalayaan Job Fair” ugmang adlawa (June 12, 2022) o atol sa 124th Independence Day sa NCCC Mall sa Buhangin, Davao City.

Sumala ni Lilibeth Pantinople, Davao City PESO Supervising Labor and Employment Officer, anaa sa 47 ka mga kumpanya (38 local ug unom overseas) ang mag-participate sa job fair nga gi-organisa sa PESO sa pakig-alayon usab sa Department of Labor and Employment (DOLE-XI)- Davao City Field Office.

Mokabat sa 6,000 job vacancies ang ihanyag diin kadaghanan niini mao ang customer service representatives, sales representatives or associates, technical support experts, production staff, and outbound sales representatives.

Samtang, mga trabaho abroad mao ang nurses, customer services, ug skilled workers.

Nasayrang niubos sa 2.76 million (5.7%) ang unemployment rate sa Pilipinas gikan sa 4.14 million nga walay nga trabaho niadtong Abril 2021.

RadyoMaN Kirby Manzon