COVID-19 TF: Face mask magpabiling required sa Davao City

Davao City – Ipatuman gihapon sa Davao City ang mandatory nga pasul-ob og face mask isip minimum public health standard batok Coronavirus Disease 2019 (COVID-19), human gihimong optional sa pagsuot og face mask sa Cebu Province partikular na sa mga well-ventilated ug open spaces.

Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), girespeto niini ang direktiba sa Cebu Province diin adunay katungod ang matag Local Government Unit (LGU) pagpatuman og kaugalingong desisyon.

Gipahinumdom ni Schlosser nga dinhi sa Davao City, padayong ipatuman ang gipagula nga Executive Order (EO) No. 11, Series of 2022 nga nag-lift sa COVID-19 restrictions lakip na ang social distancing, apan walay labot sa direktiba ang pagtanggal sa pagsuot og face mask.

“If ang question is are we doing it here in Davao City (optional wearing of face mask) no po at the moment. We are not gonna follow it kasi we will be abiding sa atoang own executive order which is ang existing nato nga Executive Order 11,” tataw ni Schlosser.

Sa EO No. 16 Series of 2022 nga pirmado ni Cebu Province Governor Gwendolyn Garcia, magpabiling required ang pagsuot og face mask sa mga closed ug air-conditioned spaces sa ilang lugar.

RadyoMaN Kirby Manzon