Girescue sa mga otoridad ang 71 ka mga menor de edad atol sa ilang gihimong inspection ug monitoring sa mga internet café/ piso net ug bilyaran ning syudad atol sa pagbalik sa klase niadtong Huwebes ug Biyernes.
35 niini ang girescue sa Regulatory and Complaint Board Inspectorate Team, Barangay Camaman-an Officials ug Barangay Council for the Protection of Children sa Barangay Camaman-an niadtong Huwebes, unang adlaw sa pagbalik sa klase sa 2019.
Samtang 36 usab ka mga kabataan ang girescue sa samang grupo kagahapon, Biyernes.
Alayon niini, padayon nga nagpahinumduma ang RCB nga gidili sa mga menor de edad ang magdula sa computer or video games gikan sa alas 7 sa buntag hangtud alas 3 sa hapon panahon sa ting klase.
Samtang ang mga Internet café owners gidid-an sa pagtugot sa mga kabataan nga maka-access sa pornographic sites o ba kaha molambigit sa pornographic activities pinaagi sa internet.
Dugang niini, gidid-an usab ang mga batang 16 anyos paubos sa pagdula sa billiard o magtapok sa bilyaran gikan sa Lunes hangtud Biyernes gawas lamang kung dunay kauban nga ginikanan or guardians.
