Koronadal City, South Cotabato–GikumpIrma ni South Cotabato Health officer Rogelio Aturdido Jr. nga niabot na sa probinsya ang mokabat sa 720 ka mga testing kits nga nagagikan sa kauluhang Manila. Nasayran nga lima ka adlaw nga naundang ang operasyon sa ilang Testing laboratory sa Covid-19 human silang nahutdan ug Testing Kits.
Nabalik na unta ang operasyon sa ilang laboratoryo dihang niabot ang mga Testing kits apan ang problema nagkaaberya kini niadtong nakalabayng adlaw mao nga ilang gipadala ang pipila ka mga specimen didto sa Cotabato Regional Medical Center kon CRMC.
Dugang pahayag ni Dr. Aturdido nga gilayon man nga naayo ang ilang Testing laboratory nga anaa sa Pinggoy Hospital. Nasayran nga miubos ang pressure sulod sa Testing laboratory mao nga nagbaton ug aberya. Hinuon sa karon balik normal na ang operasyon sa maong Testing Laboratory.
