General Santos City–nanawagan karon si 1st Lt. Daryl Cansancio ang Commanding Officer Alpha Company sa 73rd Infantry Batalion ngadto sa mga nahibilin pang myembro sa New People’s Army (NPA) nga nalisdan na sa ilahang sitwasyon sa kabukiran nga mo-surrender nalang aron nga dili na mabutang sa alanganin ang ilahang kinabuhi.
Sumala pa ni Lt. Cansancio nga sa karon grabi na gyud ang operasyon sa kasundalohan batok sa mga nasangpit nga mga rebelde human nga gimando ni Presidente Rodrigo Duterte ang pag pulbus sa mga nasangpit.
Mamahimo matud pa sila nga musurrender sa ilahang mga tribal leader sa kabukiran, o sa relegious leader, barangay official o dirikta sa kasundalohan.
gipasalig ni Lt. Cansancio nga walay mahitabo sa mga nasangpit ug walay kamatuoran ang pagpanghadlok sa mga tag-as nga lider sa NPA nga sila pasakitan sa mga sundalo higayon nga sila mubalik sa sabakan sa goberno.
Aduna matud pay programa ang goberno nga Enhance Comprehensive Local Integration Program nga nagahatag g ayuda sa mga mo-surrender nga NPA aron usab nga ilahang magamit sa ilang pagsugod subli sa ilang panginabuhian nga wala sa kalihukan sa mga rebeldi. (Dave Silagan)
